domingo. 20.05.2018 |
El tiempo

O Consorcio de Santiago conmemora o Día das Letras Galegas

O Consorcio de Santiago conmemora o Día das Letras Galegas

Durante os días 17 e 18 de maio, o Consorcio organiza diferentes actividades así como agasallar con diferente libros aos visitantes da Casa do Cabido

Con motivo da celebración do Días das Letras Galegas, o vindeiro xoves, 17 de maio, o Consorcio de Santiago fará entrega de publicacións en galego a todas as persoas que visiten a Casa do Cabido ao longo da xornada, ata que se esgoten as existencias.

E, ao día seguinte, o venres 18, no marco da conmemoración do Día Internacional dos Museos, o organismo tamén obsequiará con libros do seu fondo editorial aos visitantes da Casa do Cabido. Trátase de exemplares relacionados coa Literatura, a Arte e a Historia de Santiago. Os exemplares pertencen ás diferentes bibliotecas do Consorcio: a biblioteca facsimilar, a científica, a biblioteca de divulgación, a literaria, a biblioteca de imaxes a biblioteca infantil e xuvenil.

A Casa do Cabido abrirá o xoves 17 e o venres 18 no seu horario habitual, de 10:00 a 14:00 horas pola mañá e de 17:00 a 21:00 horas pola tarde.

BIBLIOTECA HISTÓRICA DO IES XELMÍREZ I

As persoas que se acheguen este días á Casa do Cabido terán ademais a oportunidade de facer un percorrido pola exposición A pegada do coñecemento, que reúne os principais fondos da biblioteca histórica do Instituto Arcebispo Xelmírez I, unha das mellores de toda Galicia e que foi restaurada durante os últimos dous ano co apoio do Consorcio.

Nestra mostran poden verse xoias bibliográficas de moi difícil localización na actualidade como obras do século XVII, un exemplar de En las orillas del Sar de Rosalía de Castro de 1884, diccionmarios, gramáticas, manuais, láminas ou atlas antigos procedentes de diferentes países. Por outro lado, exhíbense unha serie de pezas do século XIX de gran valor que se conservan no museo do centro.

Comentarios