O Partido Popular veta a proposta socialista para a cobertura sanitaria en verán

O Partido Popular veta a proposta socialista para a cobertura sanitaria en verán

Julio Torrado denuncia que “hai un problema na sanidade froito do abandono do goberno”

O portavoz de Sanidade do Grupo Socialista, Julio Torrado, lamentou o veto do PP a unha proposta para cubrir as baixas que se cubran as baixas do verán nos centros sanitarios. Así o dixo durante o debate dunha proposición non de Lei no Pleno do Parlamento celebrado esta semana. 

Julio Torrado denunciou que “estamos ante unha cuestión demasiado importante e demasiado ampla como para non afrontala cunha visión ampla”. Do mesmo xeito, sinalou que hai “un problema específico froito do abandono do Goberno”, recibindo incluso insultos dalgún deputado popular. Así, apuntou á “necesidade de combinar un servizo de calidade cos dereitos dos traballadores” para cubrir todas as baixas do verán.

O deputado puxo enriba da mesa que “España foi exemplo mundial en sanidade, pero hoxe xa non está entre as dez primeiras do mundo, de feito estamos de 19”. Porén, tamén lamentou que “no sistema galego temos unha ratio de profesionais menor que a media de España e, segundo o CIS, somos a terceira peor de España en valoración dos usuarios”. Torrado achacou o porqué a que “hai un problema de persoal, o cal é percibido polas galegas e galegos e que tamén apuntan os profesionais do sistema”.

Julio Torrado cualificou de “cutrez” a labor do goberno no sistema sanitario. Sinalou que o verán supón unha “época de debilidade para o sistema sanitario público galego, no que a planificación trata de provocar menores ingresos hospitalarios para ter menores demandas asistenciais e, por tanto, menor necesidade de recursos persoais e materiais”.

Polo tanto, o deputado dixo que “traemos unha proposta para chegar a un acordo e informar, decidir e avaliar”. Así, a demanda socialista instaba ao Parlamento a facilitar os informes de datos sobre atención hospitalaria aos Grupos. Por outro lado, a contratar profesionais en cada área cubrindo as baixas por vacacións en porcentaxe equiparábel ás camas habilitadas e conformar unha mesa de avaliación da atención hospitalaria no verán.

Comentarios