Os veciños de Cornado preocupados pola morte inexplicable de exemplares de troitas no río Lañas

Os veciños de Cornado preocupados pola morte inexplicable de exemplares de troitas no río Lañas

O Lañas é un dos ríos que leva anos sufrindo as graves consecuencias da antiga mina a ceo aberto que tivo lugar en Touro e O Pino

O 10 de setembro de 2018, un dos veciños da parroquia de Cornado en Touro camiñando por un tramo da ruta de sendeirismo PR-G 121 (Ruta Dos Tres Ríos) atopou no punto de desembocadura do río Lañas no Ulla con ata 5 exemplares de troitas mortas en 60 metros. 

Feitos que foron obxeto de denuncia ao Seprona, aos efectos de que proceda a incoar expediente e a adoptar as medidas oportunas.

O Lañas é un dos ríos que leva anos sufrindo as graves consecuencias da antiga mina a ceo aberto que tivo lugar en Touro e O Pino. 

Os veciños levan, moito tempo, denunciando esta situación. Chegando a reunirse co propio Alcalde, no pasado mes de Maio, para que se poña fin a enorme contaminación das augas tanto superficiais como soterradas nuns 65 km2 na contorna da mina.

Sen que, a día de hoxe, a Administración Muncipal, dera traslado aos veciños de ningunha medida que solucione o referido problema de contaminación 

Comentarios