Ordes felicita aos gardas civís locais condecorados hoxe coa medalla da Orden do Mérito

Ordes felicita aos gardas civís locais condecorados hoxe coa medalla da Orden do Mérito
Ordes felicita aos gardas civís locais condecorados hoxe coa medalla da Orden do Mérito

A actuación que lles supuxo tal recoñecemento honorífico foi a detención o pasado verán de Xosé Ferreño Lata, un dos pirómanos máis buscados no territorio nacional

O Concello de Ordes felicita ao cabo primeiro Miguel Ángel Mosquera Otero, así como aos guardas civís Miguel Tojo Aneiros, Roberto López Abuín e Luis Villaverde Vázquez pola condecoración que lles foi outorgada no día de onte. 

Todos eles pertencentes ao posto da Garda Civil de Ordes, recibiron de mans de distintos mandos e autoridades, a medalla da Orden do Mérito da Garda Civil con distintivo branco. Entre outros acudiron o vicepresidente da Xunta de Galicia, Alfonso Rueda, ademais do delegado e subdelegada do Goberno, Antón Losada de Azpiazu e Pilar López-Rioboo Ansonera. 

A actuación que lles supuxo tal recoñecemento honorífico foi a detención o pasado verán de Xosé Ferreño Lata, un dos pirómanos máis buscados no territorio nacional, o cal foi acusado de provocar un total de 28 incendios nos municipios de Frades e Mesía.

Comentarios