Limpan unha mancha de aceite que provocou un accidente en Padrón

Limpan unha mancha de aceite que provocou un accidente en Padrón

O operativo de limpeza rematou sobre as 13:00 horas, polo que quedaron restablecidas as condicións de seguridade nas vías

Os equipos de emerxencias e mantemento de estradas limparon esta mañá unha mancha de aceite que se estendía desde a saída da AP-9, en Padrón, ata a N-550, en Pontecesures.

De feito, a causa do derrame un tráiler saíuse da vía e bateu contra o petril da ponte sobre o Río Ulla sen consecuencias para o condutor.

Foi precisamente o camioneiro quen deu conta dos feitos mediante unha chamada ao 112 Galicia ás 10:20 horas desta mañá. Segundo explicou, unha mancha de aceite que cubría boa parte da calzada provocou o accidente sen causar danos persoais. 

Así, desde o 112 Galicia, pasouse aviso aos membros do GES de Padrón e Valga e ao persoal de limpeza e mantemento da Axencia Galega de Infraestruturas e de Fomento, debido a que o derrame estendíase desde a saída da AP-9 en Padrón ata Pontecesures, pola N-550 e a entrada da AG-11.

O operativo de limpeza rematou sobre as 13:00 horas, polo que quedaron restablecidas as condicións de seguridade nas vías.

Comentarios