Rolda de prensa de presentación de Cinema Crianza cuns invitados moi especiais

Rolda de prensa de presentación de Cinema Crianza cuns invitados moi especiais
Rolda de prensa de presentación de Cinema Crianza cuns invitados moi especiais

Unha representación do alumnado do CEIP A Maía de Bertamiráns asistiu á presentación

Hoxe, as 11:00 horas, no Salón de Plenos da Casa do Concello de Ames, tivo lugar a presentación do Festival Cinema Crianza, que organiza o Concello de Ames e a cooperativa cultural Urdime, coa colaboración da Deputación da Coruña. Para a mesma estaban presentes o concelleiro de Cultura, David Santomil;  a alcaldesa por delegación, Genma Otero; a vicepresidenta da Deputaición da Coruña, Goretti Sanmartín; o director do festival, Marcos Nine; e a coordinadora de Urdime, Cristina Fiaño.

Esta convocatoria tivo uns invitados especiais: os alumnos do CEIP A Maía de Bertamiráns. O alumnado estivo atento á presentación deste festival audiovisual que está dirixido especialmente para eles, para o público infantil do Concello.

O Festival Internacional de Cine Infantil Cinema Crianza desenvolverase do 15 ao 18 de novembro na Casa da Cultura de Milladoiro e Bertamiráns. Este ano ten como novidade a apertura do certame a centros escolares, xa que era imprescindible darlle a importancia que ten ao cine no ámbito educativo.  "A vinculación do audiovisual e a docencia era unha asignatura pendente", afirmou David Santomil.

A vicepresidenta da Deputación, Goretti Santomil considerou o certame coma "unha proposta singular porque está dirixiada a público novo" para afacelos a consumir cinema. Tamén lembrou que este outono están a desenvolverse tres festivais pensados para este público como, ademáis de Cinema Crianza, os Galicreques de Santiago e o Tititriberia de Teo. Afirmou que "sería de especial interese artellar ese triángulo máxico para aproveitar sinerxias e achegar a cultura a nenos e nenas que son tamén o futuro público para a música, o cinema ou o teatro".


Comentarios
Lo más