Os "minichefs" cociñan desde hoxe en Afundación dentro da súa oferta de programación infantil

Os "minichefs" cociñan desde hoxe en Afundación dentro da súa oferta de programación infantil
Os "minichefs" cociñan desde hoxe en Afundación dentro da súa oferta de programación infantil

Están dirixidos a nenos e nenas de 5 a 12 anos e serán impartidos por Vanessa Sende Cardoso desde hoxe e ata o mes de xaneiro

Afundación, a Obra Social de ABANCA presenta desde hoxe na súa sede de Santiago de Compostela unha nova proposta de cursos de cociña infantil incluída no seu programa Minichefs

A programación ten como obxectivo achegar aos máis novos ao mundo da cociña mediante un método didáctico e ameno.

Están dirixidos a nenos e nenas de 5 a 12 anos e serán impartidos por Vanessa Sende Cardoso desde hoxe e ata o mes de xaneiro.

OS CURSOS

A programación que se iniciou no mes de outubro e ofrece a posibilidade de acudir en dous turnos, pola mañá ou pola tarde, continuará mañá co taller gastronómico Aos minichefs gústalles o chocolate para aprender a preparar receitas doces co chocolate como ingrediente principal. Celebraranse tres edicións deste curso, desde mañá e ata o sábado 8 de decembro.

Tamén no mes de decembro, os días 22 e 29, impartirase o curso Arte na cociña dos minichefs en dúas quendas, pola mañá e pola tarde. Arte e gastronomía únense neste taller no que os nenos e nenas cociñarán mentres coñecen aos grandes protagonistas da pintura. As prazas están esgotadas.

Os minichefs prepáranse para a chegada dos Reis é o último curso da programación. Impartirase o 5 de xaneiro, en quendas de mañá e de tarde, e nel os participantes prepararán doces para os que os Reis Meigos repoñan forzas e continúen coa tarefa de repartir os agasallos. 

Comentarios