Peleteiro recolle máis de 3.800 quilos de alimentos

Peleteiro recolle máis de 3.800 quilos de alimentos
Peleteiro recolle máis de 3.800 quilos de alimentos

Na semana do 19 ao 23 de novembro os alumnos do colexio e as súas familias reuniron 3.846 quilos superando amplamente o reto inicia

A Asociación de Pais de Alumnos (APAP) do Colexio M. Peleteiro – Dolores Ramos levou a cabo a campaña de Nadal a beneficio de Cáritas co obxecto de acadar 2.000 quilos de alimentos, produtos de limpeza, produtos de bebes, destinados a aliviar as necesidades das persoas desfavorecidas.

Na semana do 19 ao 23 de novembro os alumnos do colexio e as súas familias reuniron 3.846 quilos superando amplamente o reto inicial.

A APAP do Colexio Manuel Peleteiro – Dolores Ramos destaca emocionada o compromiso dos alumnos, que de xeito exemplar desenvolveron xenerosamente o traballo de selección, empaquetado, pesado, e almacenamento da totalidade dos produtos. O venres 30 de novembro foron entregados a Cáritas nun acto ao que acudiron representantes de Cáritas, alumnos, profesores, a dirección do centro e representantes da APAP.

Dende a APAP destácase a traxectoria exemplar das familias e dos alumnos en cada chamamento á solidariedade que se ven facendo ano tras ano, así como o compromiso da comunidade educativa e da dirección do centro.

Pola súa banda, a delegación de Cáritas en Santiago de Compostela quere facerlle chegar a todos os composteláns que acepta doazóns todo o ano polo que, se alguén está interesado en doar, pode poñerse en contacto coa súa sede en Santiago, situada no número 2 da Rúa Hospitalillo.

Comentarios
Lo más