Dúas persoas trasladadas despois dunha colisión entre un turismo e un camión en Tomiño

Foto de arquivo
Dúas persoas trasladadas despois dunha colisión entre un turismo e un camión en Tomiño

Ocorreu no punto quilométrico 60 da PO-552, uns minutos despois das 16.30 horas

Dúas persoas que se desprazaban nun coche tiveron que ser trasladadas a un centro hospitalario despois de bater contra un camión de reparto en Tomiño. Ademais, no interior do turismo viaxaban dous nenos, que resultaron ilesos.

Segundo os datos facilitados ao 112 Galicia, os membros do Servizo de Prevención, Extinción de Incendios e Salvamento do Porriño liberaron a unha das persoas feridas pola parte traseira do vehículo accidentado, ao rematar atascadas as portas a causa impacto.

Ocorreu no punto quilométrico 60 da PO-552, uns minutos despois das 16.30 horas. Nese momento, o 112 Galicia recibía a chamada dunha persoa particular que alertaba dos feitos.

A partir de aí, os xestores do 112 Galicia requiriron a intervención do 061-Urxencias Sanitarias, de Protección Civil, da Garda Civil de Tráfico, do GES da Guarda, dos Bombeiros do Porriño, da Policía Local e informaron tamén aos Bombeiros de Vigo.

Comentarios