A Aula Hospitalaria para nenos do CHUS acolle un obradoiro de robótica e pilotaxe de drons

A Aula Hospitalaria para nenos do CHUS acolle un obradoiro de robótica e pilotaxe de drons
A Aula Hospitalaria para nenos do CHUS acolle un obradoiro de robótica e pilotaxe de drons

A xornada celebrarase de 11:00 a 13:00 horas na Aula Hospitalaria do propio hospital

O Colexio Profesional de Enxeñaría en Informática de Galicia (CPEIG) impartirá hoxe xoves, 3 de xaneiro, un taller de robótica e pilotaxe de drons no Complexo Hospitalario Universitario de Santiago (CHUS) para os nenos e nenas que están hospitalizados. A xornada celebrarase de 11:00 a 13:00 horas na Aula Hospitalaria do propio hospital.

Con actividades deste tipo, relacionadas coas novas tecnoloxías, o Colexio profesional pretende fomentar o talento dixital dos nenos e nenas de toda Galicia. O taller é unha oportunidade para achegarse de forma lúdica e divertida á tecnoloxía e á enxeñaría en informática. A xornada estará impartida polo enxeñeiro en Informática Manuel Montesinos Miguélez e o enxeñeiro de Obra Civil Telmo López López.

“Os máis pequenos poñerán en práctica o seu talento dixital, desenvolvendo competencias persoais como a creatividade e o interese pola ciencia e a tecnoloxía” –destaca Manuel Montesinos–. Ademais, o experto sinala que este taller servirá de xerme para que os nenos poidan experimentar novas calidades e comecen a interesarse polas novas tecnoloxías.

PILOTO DE DRONS

Ademais de escoitar unha breve explicación sobre o contido da xornada, os máis pequenos poderán probar as súas habilidades nos kids de robótica e probarán os circuítos de pilotaxe de drons. 

Comentarios