Bascuas reclama unha políticia real de vivienda na cidade

Bascuas reclama unha políticia real de vivienda na cidade
Foto de arquivo
Bascuas reclama unha políticia real de vivienda na cidade

Compromiso sinala que, con 9.000 vivendas desocupadas e a burbulla nos alugueiros, cómpre adoptar medidas

Xoán Bascuas amosa a súa preocupación polo alto número de vivendas valeiras na cidade, unhas 9.000 dun parque de 53.663 vivendas.

Dende Compromiso sinalan que o mercado inmobiliario está a piques de vivir unha segunda burbulla, ao non ser capaz de atopar o equilibrio entre o alugueiro residencial e o turístico. Esta situación do mercado inmobiliario está a impedir o acceso á vivenda ás familias con menos recursos. De feito, é unha das causas que está a contribuír a que Santiago estea a perder poboación en favor dos Concellos limítrofes.

Os galeguistas ven insuficiente o Plan Nacional de Vivenda 2018-2021, por falta de orzamento, moi alonxado da realidade de Santiago e pídenlle ao Concello que tome as medidas oportunas para atallar esta situacion. Velaí que Xoán Bascuas aposte por políticas de vivenda pública que están desaparecidas: “o Concello ten competencias e recursos suficientes para actuar nesta materia e que podería contribuír a frear tanto o aumento dos prezos da vivenda, a expulsión da cidadanía compostelá do seu propio Concello, e satisfacer un dereito para calquera ser humano". O candidato galeguista engade que “a política de vivenda non debe limitarse a facer xornadas sobre o asunto, senón que tamén debe implicar a promoción directa desde o propio Concello de vivendas para o alugueiro con prezos taxados”.

Comentarios