Conferencia da Profesora María Xesús Lama (Univ. de Barcelona) en “Os Luns do Ateneo”

Conferencia da Profesora María Xesús Lama (Univ. de Barcelona) en “Os Luns do Ateneo”
Conferencia da Profesora María Xesús Lama (Univ. de Barcelona) en “Os Luns do Ateneo”

O traballo premiado aborda a biografía de Rosalía dende o seu nacemento ata a publicación de Cantares gallegos

O pasado 8 de novembro, o Xurado designado polo Ministerio de Cultura do Goberno de España decidiu conceder o Premio Nacional de Ensaio á Doutora María Xesús Lama (Lugo, 1964), Profesora de Literatura Galega na Universidade de Barcelona, polo seu libro Rosalía de Castro. Cantos de independencia e liberdade (1837-1863), publicado pola Editorial Galaxia.

O traballo premiado aborda a biografía de Rosalía dende o seu nacemento ata a publicación de Cantares gallegos (1863); na actualidade, a profesora Lama prepara a segunda parte desa biografía, que se ocupará da etapa en que a autora de Follas novas acada a súa consagración como figura fundamental das nosas letras, ata o seu falecemento en 1885.

Hoxe luns, 28 de xaneiro, a Profesora Lama intervirá en “Os Luns do Ateneo”, na sala de Afundación (Rúa do Vilar, 19), ás 20.00 horas, cunha conferencia titulada “Rosalía de Castro: en busca da biografía perdida”.

Comentarios
Lo más