Dous accidentes no Morrazo obrigaron onte a interromper o tráfico

Dous accidentes no Morrazo obrigaron onte a interromper o tráfico
Dous accidentes no Morrazo obrigaron onte a interromper o tráfico

Unha vez evacuados os feridos e limpa a estrada, a circulación quedou totalmente restablecida

Onte tivo lugar no termo municipal de Vilanova de Arousa un accidente. Tres turismos que circulaban pola VG-4.3, á altura do punto quilométrico 2,800, colidiron e segundo consta no 112 Galicia unha persoa resultou ferida. Este accidente ocorreu ao redor das 22:15 horas da pasada noite. Foi a esa hora cando os membros do Servizo Municipal de Emerxencias de Vilagarcía informaban ao 112 Galicia do choque múltiple.

Con estes datos, os xestores do Centro de Emerxencias pasaron aviso ao 061-Urxencias Sanitarias, aos Bombeiros de Ribadumia e aos axentes da Garda Civil de Tráfico. Tamén deron conta dos feitos á Policía Local e aos efectivos de Protección Civil de Cambados, así como, foi precisa a intervención do persoal do servizo de mantemento da estrada.

Minutos antes, sobre as 21:15 horas, no CIAE-112 Galicia rexistrábase outro accidente no corredor. Neste caso tratábase dunha colisión entre unha furgoneta e un turismo. Dúas persoas resultaron feridas. Ata o lugar desprazáronse ademais dos servizos sanitarios e dos axentes de Tráfico, os Bombeiros de Vilagarcía, a Policía Local e Protección Civil de Vilanova. Do mesmo xeito, achegáronse ata ao punto os efectivos do Servizo Municipal de Emerxencias de Vilagarcía.

Comentarios
Lo más