Hoxe ás 19h "O inevitable" no Salón Teatro de Santiago

Hoxe ás 19h "O inevitable" no Salón Teatro de Santiago
Hoxe ás 19h "O inevitable" no Salón Teatro de Santiago

Dentro do festival "Escenas do cambio" que se stá a desenvilver este días organizado pola Cidade da Cultura de Galicia

O Salón Teatro de Santiago é unha das sedes do festival "Escenas do Cambio", que se está a desenvolver estes días organizado pola Cidade da Cultura de Galicia. Dentro deste festival, a sede do Centro Dramático Galego acollerá hoxe domingo 10, ás 19h, 'O inevitable', espectáculo de debut da nova compañía Colectivo Marciano Balboa, do que vos achegamos máis información:

En escena teñen lugar os preparativos, accións, pensamentos, documentos e devezos de Antonio, unha persoa común que prepara a súa grande "acción humanitaria" co único fin de salvarse a si mesmo. Son as últimas 24 horas dun lobo solitario.

Un dispositivo de son alterado e manipulable recrea as minúsculas accións que compoñen a intimidade deste habitante do invisible mundo dos anxos e demos, esta rutina alucinatoria dun observador da vida allea, que busca insaciablemente referentes nos que reflectir as súas fobias e mitificar os seus actos.

Os recursos visuais e proxeccións funcionarán como escena aumentada do que ocorre en directo: diapositivas, planos detalle e fragmentos pregravados. Tamén haberá cadeiras voadoras e cordas flotantes, seitas patafísicas e remakes gloriosos de historias universais.

Con este proxecto nace tamén un novo colectivo, chamado Marciano Balboa. O Inevitable é o seu primeiro directo, unha historia sobre a estupidez humana e o fanatismo relixioso. Que sucederá?

Comentarios