Adxudican as obras de saneamento en Sirves, na parroquia de Olveira

Adxudican as obras de saneamento en Sirves, na parroquia de Olveira
Adxudican as obras de saneamento en Sirves, na parroquia de Olveira

O prazo de execución ascende a dous meses e medio

O Concello de Ribeira acaba de adxudicar con carácter provisional dunha actuación dirixida á ampliación do saneamento en Sirves, na parroquia de Olveira, que dá continuidade ás obras efectuadas o pasado ano pola Xunta de Galicia para dotar deste servizo ao devandito lugar.

Houbo 23 ofertas presentadas e a que obtivo a máis alta clasificación foi Excavaciones Abelleira, S.L., cunha oferta económica de 46.597 euros.

CATRO CAMIÑOS

A zona de actuación abrangue os coñecidos como camiño de Fontenla (onde se instalará saneamento ao longo dun tramo de 512 metros), de Carballeira (201 metros), A Agra (40 metros) e Bouza (60 metros).

As obras inclúen a instalación de tubaxes PVC de 250 milímetros de diámetro e a dotación de pozos de rexistro.

O prazo de execución ascende a dous meses e medio. 

Comentarios