Afundación, a Obra Social de ABANCA, presenta o seu curso de cociña infantil "O Entroido dos minichefs" na súa sede de Santiago de Compostela (rúa do Vilar, 19) aproveitando a celebración desta festa senlleira do ciclo do inverno.

Está dirixido a nenos e nenas de entre 5 e 12 anos e será impartido por Vanessa Sende Cardoso os vindeiros 4 e 5 de marzo, en quenda de tarde o primeiro día, de 17:00 a 19:00 horas e de mañá, o segundo, de 11:30 a 13:30 horas.

Nesta ocasión os asistentes a este taller culinario prepararán receitas disfrazadas de pizza sen fariña e hamburguesas camufladas.

Para esta actividade xa se cubriron as prazas, pero para vindeiros cursos de cociña infantil as inscricións poderanse formalizar a través da web Ataquilla.com ou na propia Sede Afundación de Santiago de Compostela (rúa do Vilar, 19).