Catro mulleres do XVII no quinto concerto do ciclo ‘Le nuove musiche’

Catro mulleres do XVII no quinto concerto do ciclo ‘Le nuove musiche’
Catro mulleres do XVII no quinto concerto do ciclo ‘Le nuove musiche’

Será ás 20.30 horas no Paraninfo da Universidade

Alumnado da ESMAE de Porto e de canto do Curso de Música Antiga da mesma escola portuguesa protagonizan hoxe venres 22 o quinto concerto do ciclo ‘Le nuove musiche. Música instrumental e vocal do século XVII’, que leva por título "Lagrime mie, a che vi trattenete?’.

Será ás 20.30 horas no Paraninfo da Universidade cando soen diversas pezas compostas por catro mulleres da época: Françoise-Charlotte de Senneterre (1679-1745), Elisabeth Jacquet de La Guerre (1665-1729), Francesca Caccini (1587- 1641) e Barbara Strozzi (1619-1677).

No elenco de intérpretes figuran as sopranos Carolina Bermejo, Bianca Alves, Eunice d’Aguiar, Rita Venda e Daniela Matos; os clavecíns Vasco Pereira e Diogo Zão; os violíns barrocos Mariña García Bouso e Francisco Cymbron; a frauta de bisel António Godinho, o violonchelo barroco Leonor Sá e a tiorba Pedro Martins.

O ciclo

O ciclo está centrado no seicento, “a época musical de occidente na que se sucederon os maiores e máis transcendentes cambios de todo o seu devir”, tal e como manifesta o profesor de Historia da Música da USC, Javier Garbayo. É o período no que nace o Barroco, no que a música instrumental adquire maiores dimensións grazas aos importantes avances técnicos e construtivos dos instrumentos, á aparición de executantes cada vez máis especializados e á incorporación e experimentación de novas formas e códigos de composición.

Comentarios