Na Coruña, concretamente nunha vivenda da Rúa Vizcaia, un lume nunha cociña deixou dúas persoas feridas, das cales, unha tivo que ser evacuada ao hospital.

Sucedeu pouco antes da unha deste mediodía e ata ao domicilio dirixiuse unha dotación do parque de bombeiros da cidade para sufocar as chamas que comezaron na campá extractora e propagáronse polos mobles da cociña. A consecuencia do fume, dúas persoas necesitaron atención médica, polo que unha delas tivo que ser trasladada en ambulancia ao hospital. A outra persoa foi atendida in situ.