Bugallo comprométese arranxar as beirarrúas do Pombal

Bugallo comprométese arranxar as beirarrúas do Pombal
Bugallo comprométese arranxar as beirarrúas do Pombal

Nas beirarrúas da rúa do Pombal, Sánchez Bugallo apostou por cambiar o pavimento actual de chapa plana, “moi incómoda e de difícil mantemento”, dixo, por lousa de granito

O candidato á alcaldía de Santiago, Xosé A. Sánchez Bugallo, comprometeuse coa Asociación de Veciños do Pombal a renovar e cambiar as beirarrúas, a substituír as actuais luminarias por luces led, e a revisar a seguridade do muro da Alameda. Foi nunha reunión mantida esta tarde cunha representación do colectivo, á que tamén asistiron outros membros da súa candidatura, que se presenta baixo o lema Vamos Santiago!

Nas beirarrúas da rúa do Pombal, Sánchez Bugallo apostou por cambiar o pavimento actual de chapa plana, “moi incómoda e de difícil mantemento”, dixo, por lousa de granito. Tamén se revisarán, aclarou, as “dotacións de servizos a efectos de substituír os que non estean en condicións idóneas”.

Sánchez Bugallo tamén lle trasladou aos veciños do Pombal a promesa de cambiar todas as luminarias por luces “led” antes do 2021. Prometeu, ademais, revisar a seguridade do muro e parede da Alameda a efectos, explicou, “de adoptar as medidas pertinentes para evitar desprendementos”.

No encontro, os veciños amosaron a súa preocupación polo mal estado da rúa; polo o deterioro do muro da Alameda e pola maleza que o cobre.

Gonzalo Muíños e Javier Fernández, integrantes da lista de Sánchez Bugallo, tamén asistiron á reunión cos membros da asociación. A xuntanza rematou cunha visita pola zona do Pombal

Comentarios
Lo más