O 112 Galicia tivo coñecemento doutro accidente no que se viron implicados dous motoristas. Ocorreu pasadas as seis desta tarde na N-525 ao paso pola localidade ourensá de San Cibrao das Viñas, onde dúas motos colidiron entre si e resultaron feridos ambos os dous condutores. 

Para a atención dos implicados no accidente, o persoal do 112 puxo os feitos en coñecemento dos servizos sanitarios de urxencia, membros do GES de Pereiro de Aguiar e Garda Civil de Tráfico.