O temporal deixa 81 incidencias durante o día de hoxe en Galicia

O temporal deixa 81 incidencias durante o día de hoxe en Galicia
O temporal deixa 81 incidencias durante o día de hoxe en Galicia

En canto ás provincias afectadas, a de A Coruña é a que está a rexistrar un maior número de incidencias con un total de 63, seguida de Pontevedra con 18 incidentes

Un total de 81 incidencias son as rexistradas no Centro Integrado de Atención ás Emerxencias (CIAE) 112 Galicia, durante o período comprendido entre as 00:00 e as 18:00 horas deste día. Todas elas relacionadas co episodio de meteoroloxía adverso por choiva que afecta á nosa comunidade.

Aínda que no CIAE 112 Galicia non constan incidentes nos que houbese que lamentar danos persoais, as incidencias de prevención de risco, bolsas de auga nas vías de circulación e restos de obxectos nas estradas son as que máis se repetiron durante este período de tempo.

En canto ás provincias afectadas, a de A Coruña é a que está a rexistrar un maior número de incidencias con un total de 63, seguida de Pontevedra con 18 incidentes.

Por outra banda, os concellos onde máis se está deixando notar o fenómeno meteorolóxico adverso, na provincia da Coruña destaca o de Muros con un total de 9 incidencias. Salienta tamén o de Cee con 6, seguido de Dumbría, que suma 5. A respecto dos concellos máis afectados da provincia de Pontevedra, resalta o de Vigo con 3 e o de Vilagarcía e Tui con 2, respectivamente.

Comentarios