Novo minuto de silencio pola última vítima de violencia machista en Puertollano

Novo minuto de silencio pola última vítima de violencia machista en Puertollano
Novo minuto de silencio pola última vítima de violencia machista en Puertollano

O alcalde, Xosé Sánchez Bugallo, e outros integrantes da Corporación participaron neste acto, no que se gardou un minuto de silencio en recordo da muller asasinada

A praza do Obradoiro acolleu onte ao mediodía un minuto de silencio para condenar o último asasinato machista, acontecido en Puertollano (Ciudad Real).

O alcalde, Xosé Sánchez Bugallo, e outros integrantes da Corporación participaron neste acto, no que se gardou un minuto de silencio en recordo da muller asasinada. Volveu así darse cumprimento á moción aprobada por unanimidade no Pleno da Corporación do 7 de setembro de 2015, que fixa accións de dó e solidariedade por cada asasinato machista.

A violencia de xénero é a expresión máis extrema da desigualdade social que sofren as mulleres, e estes asasinatos prodúcense porque a violencia segue sendo utilizada como un mecanismo de control e dominación das mulleres. O Goberno municipal e o conxunto da Corporación condenan firmemente a violencia de xénero, e queren amosar a súa máxima solidariedade coas familias de todas as mulleres asasinadas. 

Comentarios
Lo más