A Xunta anuncia un "gran concerto" no estadio de Riazor no marco do Xacobeo

A Xunta anuncia un "gran concerto" no estadio de Riazor no marco do Xacobeo
A Xunta anuncia un "gran concerto" no estadio de Riazor no marco do Xacobeo
A Coruña acollerá este ano un "gran concerto" no estadio de Riazor con motivo dos actos organizados pola Xunta con motivo do Xacobeo, segundo informou o conselleiro de Cultura, Román Rodríguez, tras unha reunión coa alcaldesa, Inés Rey.

"Queremos que o ano 2020 sexa unha fantástica antesala", expuxo tras o encontro e en referencia a esta iniciativa. Neste obxectivo, situou o proxecto 'Xacobeo cidades', do que dixo que busca "levar ás cidades de Galicia a programación cultural e social do Xacobeo".

Ademais, recalcou que a intención é que haxa tamén unha programación "participativa", que chegue "a todos os públicos" e coa participación de grupos emerxentes, ademais de propostas vinculadas á cultura tradicional, xunto a exposicións, entre outras actividades.

O conselleiro confirmou que nun mes se irán "pechando" todos os aspectos e que se asinará un acordo entre o Concello da Coruña, que colaborará en "cuestións loxísticas", e a Xunta.

Pola súa banda, a alcaldesa eloxiou a iniciativa de impulsar un Xacobeo "descentralizado" e avanzou que o obxectivo, á espera de contactar con produtores, será organizar "un gran concerto para miles de persoas". "Un evento de carácter probablemente internacional e con moita repercusión", avanzou.

Comentarios
Lo más