Aprazada a proxección de “El reto de Eva”, documental sobre a enfermidade de DENT en Brión

Aprazada a proxección de “El reto de Eva”, documental sobre a enfermidade de DENT en Brión
Aprazada a proxección de “El reto de Eva”, documental sobre a enfermidade de DENT en Brión

Ía celebrarse este domingo 15

O Concello de Brión informa do aprazamento da proxección do documental “El reto de Eva”, prevista inicialmente para este domingo, debido á imposibilidade de que a presidenta de ASDENT, Eva Giménez, poida estar presente no acto. Este aprazamento é unha medida de precaución xa que esta persoa vén de participar nos últimos días en varios actos da asociación na cidade de Vitoria, unha das zonas máis afectadas polo coronavirus COVID-19, e non pode desprazarse a Brión, tal e como estaba previsto. 

Entre as accións que organiza ASDENT figuran as recollidas de tapóns de plástico, unha iniciativa á que tamén se sumou a familia de Hugo en Brión e que está a ter unha gran participación por parte da veciñanza do municipio. Así, a semana pasada un camión do Concello de Brión recolleu varios centos que quilos de tapóns de plásticos procedentes do CEIP de Pedrouzos, do campo de fútbol e do centro social polivalente, entre outros puntos de recollida establecidos en Brión. Unha colaboración que agradecen dende o Concello de Brión.

A enfermidade de DENT é minoritaria e está clasificada como súper rara. Trátase dunha doenza xenética provocada por unha mutación no cromosoma X que afecta ás funcións habituais dos riles, que deixan de facer gran parte do seu cometido, o que provoca que o organismo non asimile elementos básicos para a vida como o potasio, o magnesio, as proteínas, as vitaminas ou o calcio. Na actualidade hai rexistrados 411 casos en todo o mundo, entre os que figuran o brionés Hugo e Nacho, protagonista do documental e residente en Barcelona.

Comentarios
Lo más