O CGAC inaugura a mostra «Manual de uso» en homenaxe á traxectoria de La Ribot

O CGAC inaugura a mostra «Manual de uso» en homenaxe á traxectoria de La Ribot
O CGAC inaugura a mostra «Manual de uso» en homenaxe á traxectoria de La Ribot

A mostra, comisariada por Iñaki Martínez Antelo, forma parte do festival de artes performativas ‘Plataforma’ que se celebra en Santiago desde o pasado día 10

O Centro Galego de Arte Contemporánea (CGAC) inaugurou este venres a mostra Manuel de uso, un proxecto no que se recolle a traxectoria artística de La Ribot e que se enmarca no festival de artes performativas Plataforma que se celebra en Santiago de Compostela desde o pasado día 10 co apoio da Xunta de Galicia.

Comisariada por Iñaki Martínez Antelo e visitable ata febreiro de 2020, a mostra inaugurada hoxe supón unha unión compacta da danza coas artes visuais movéndose entre os teatros, auditorios, salas de exposicións, museos e feiras de arte.

Premio Nacional de Danza e Medalla de Ouro ao Mérito nas Belas Artes

La Ribot é coreógrafa, bailarina e artista visual. Actualmente vive e traballa en Xenebra e as súas obras presentáronse tanto en museos e galerías de arte como en teatros, desde a Tate Modern de Londres, ao MNCARS de Madrid, o Centre Pompidou ou o Théâtre de la Ville de París.

No ano 2000 foi galardoada co Premio Nacional de Danza e coa Medalla de Ouro ao Mérito nas Belas Artes en 2015, recoñecementos, ambos, outorgados polo Ministerio de Cultura. Máis recentemente recibiu o Gran Premio Suízo da Danza en 2010 e o León de Ouro na Bienal de Venecia de Danza deste ano.

Como complemento a esta exposición, o mércores 26 de novembro terá lugar a performance  Pièce distinguée n.° 45, que se presentará no vestíbulo do CGAC, interpretada por La Ribot e o actor Juan Loriente. Neste contexto tamén se editará un libro con imaxes da exposición e doutras obras da artista. 

Comentarios