O Pino axudará con 70.000 euros ao sector da hostalaría local

O Pino axudará con 70.000 euros ao sector da hostalaría local
O Pino axudará con 70.000 euros ao sector da hostalaría local

O Concello de O Pino vai sacar outra liña de axudas dirixida ao sector da hostalaría do municipio, un dos máis afectados pola pandemia da covid-19 posto que, ademais de cerrar durante o estado de alarma, tivo que pechar de novo as súas portas o pasado 6 de novembro e non poderá abrir, como mínimo, ata o 4 de decembro. O alcalde anunciou esta mañá en pleno a proposta do equipo de goberno, para destinar uns 70.000 euros en axudas directas para bares, restaurantes, cafeterías, hoteis, etc.

Manuel Taboada Vigo fixo este anuncio durante o pleno extraordinario solicitado polos socialistas para que O Pino incrementase a súa aportación ao plan PEL Reactiva da Deputación da Coruña. O alcalde explicou que o Concello aportaba o 20% dos fondos, como estableceu a propia Deputación da Coruña. Durante a súa intervención, Taboada anunciou a proposta do Partido Popular para axudar aos hostaleiros, e o portavoz socialista, Óscar Vilar, decidiu retirar a súa proposta, que xa non foi sometida a votación.

O Concello de O Pino tiña reservados 100.000 euros para axudas directas aos traballadores autónomos e pequenas empresas que tiveron que pechar durante o confinamento. Estas subvencións podíanse destinar a pagar a cota de autónomo e os alugueiros. “Houbo que pedirlle a varios solicitantes que enviaran toda a documentación requerida”, motivo polo que esta convocatoria aínda non se resolveu, explicou Taboada. As estimacións apuntan a que se destinarán uns 30.000 euros para axudar aos autónomos e empresarios solicitantes.

Os 70.000 euros restantes vanse destinar para axudar agora directamente ao sector da hostalaría, explicou Taboada en pleno.

Previamente a este pleno, celebrouse outra sesión extraordinaria para debater as alegacións presentadas por dúas veciñas e polo grupo socialista contra o expediente de modificación de crédito para arranxar o campo de fútbol de Lameiro. Aínda que o portavoz socialista insistiu en que podían presentar alegacións, un informe da Secretaría do concello indica que non estaban lexitimados. Non obstante, durante a votación, a proposta foi rexeitada cos votos en contra do Partido Popular (5). O PSdeG votou a favor (3) e o BNG (2), abstívose.

Durante o debate, o alcalde explicou que o Concello ten que licitar e contratar este ano as obras, aínda que as mesmas se poidan executar durante o primeiro trimestre de 2021. Como o portavoz socialista criticara a urxencia da modificación de crédito e que as obras se puiden incluír no orzamento do ano que ven, o alcalde replicoulle que unha das razóns dos socialistas para presentar as alegacións puideran ser en retrasar todo o proceso, pero asegurou que este ano se cumprirían os trámites.

Comentarios
Lo más