Dende as 8.00 horas do sábado 5 de decembro ata as 8.00 horas do mércores 9, a rúa da Ponte de Sar vai estar cortada á circulación por mor das obras de reparación do seu firme.

Durante estes catro días o tráfico deberá optar polas vías alternativas, xa sexa empregando a rúa de Diego Bernal e saíndo cara ao barrio das Fontiñas, ou ben pola da rúa do Castiñeiriño e rúa do Restollal.

Cambios no transporte urbano

Debido a este corte, produciranse os seguintes cambios no transporte urbano:

*Sentido Aríns e Fornás: desde pza. Galicia – rúa do Hórreo – Avda. Lugo – rúa Londres – rúa Fontes de Sar – rúa Diego Bernal (multiusos) e itinerario habitual por rúa Ponte de Sar. Paradas suprimidas: (462) rúa Castrón Douro; (516) rúa de Sar de Afora nº 90; (194) Colexiata de Sar; (387) Ponte de Sar nº 22.

*Sentido rúa Valle Inclán: o percorrido inverso, desde a rúa Ponte de Sar por Diego Bernal, rúa Fontes de Sar, avda. de Lugo, Bernardo Barreiro e rúa Curros Enríquez. Paradas suprimidas: (388) Ponte de Sar nº 41; (195) Colexiata de Sar; (515) rúa de Sar de Afora nº 18; (227) Curros Enríquez nº 25.

Corte na rúa das Trompas

O vindeiro domingo, 6 de decembro, a rúa das Trompas permanecerá pechada á circulación, en horario de 7.00 h a 9.00 h, por mor da instalación dun novo transformador eléctrico por parte da empresa Elecnor. Neste horario non poderá acceder ningún vehículo (tampouco aos garaxes e ao aparcamento).

Por outra banda, a rúa de Porta Faxeira, no acceso pola avenida de Figueroa, estará pechada ao tráfico dende o luns 7 de decembro e durante cinco días, por mor das obras de instalación dun sistema de control de accesos na devandita rúa, dentro do proxecto SMARTiAGO. Os vehículos autorizados e os de carga e descarga poderán acceder pola rúa de Cardeal Payá.