Os 'Luns do Ateneo' analiza os efectos da pandemia no sistema sanitario

Os 'Luns do Ateneo' analiza os efectos da pandemia no sistema sanitario
Os 'Luns do Ateneo' analiza os efectos da pandemia no sistema sanitario

A conferencia terá lugar este luns 8 de febreiro ás 20h da man de Beatriz González López-Valcárcel, Catedrática de Economía Aplicada e experta en Economía da Saúde e Políticas Públicas

Este luns 8 de febreiro ás 20.00h o Ateneo de Santiago ofrece unha conferencia titulada ‘A situación sanitaria na pandemia e perspectivas de futuro’, que será impartida por Beatriz González López-Valcárcel, Catedrática de Economía Aplicada da Universidad de Las Palmas de Gran Canaria e experta en Economía da Saúde e Políticas Públicas.

A pandemia supuxo dende os seus inicios unha revolución para os nosos servizos sanitarios. Sen ter aínda o suficiente coñecemento sobre o virus, a Sanidade tivo que adaptar metodoloxías, ferramentas e espazos de traballo a unha situación sen precedentes. Pouco a pouco ou máis axiña, foron chegando as consecuencias da Covid-19 ao noso sistema: colapso sanitario, atención telefónica, posposición de intervencións cirúrxicas... A conferenciante analizará estes e outros efectos da pandemia na nosa Sanidade.

Beatriz González López-Valcárcel, Licenciada en Económicas pola Universidade de Santiago de Compostela e Doutora en Económicas pola Universidade de La Laguna, é profesora da Universidad de Las Palmas de Gran Canaria. Foi presidenta da Asociación Española de Economía da Saúde entre 2004 e 2005 e da Sección de Economía da Saúde Pública da Asociación Europea de Saúde Pública (EUPHA) entre 2011 e 2012. Tamén foi membro do Consello Asesor de Sanidade do Ministerio de Economía de España, representante de Canarias no Comité Consultivo do Sistema Nacional de Saúde e Presidenta da Sociedade Española de Saúde Pública e Administración Sanitaria entre 2015 e 2017. En 2011 recibiu a Cruz da Orde Civil de Sanidade e foi nomeada filla adoptiva das Palmas de Gran Canaria en 2009 e da Illa de Gran Canaria en 2016. Tamén é profesora Honoris Causa pola Universidade Isalud de Bos Aires e actualmente é membro do Grupo de Traballo Multidisciplinar COVID-19 do Ministerio de Ciencia e Innovación.

Comentarios
Lo más