Galicia vaise manter na influencia das altas presións, polo que non se agardan cambios significativos para o domingo. Así, os ceos estarán despexados en xeral, con algún intervalo de nubes baixas no extremo norte e néboas matinais en puntos do interior. As temperaturas sufrirán un lixeiro descenso. O vento soprará frouxo do nordés, con intervalos fortes entre Estaca de Bares e Fisterra.

En Santiago agárdase para os vindeiros días unha alternancia de períodos de ceos con nubes e claros con outros pouco anubrados ou despexados. Agárdanse precipitacións o luns pola tarde. As temperaturas serán normais para esta época do ano, con mínimas sen cambios e máximas en descenso moderado.