A Baña oferta oito prazas de voluntariado sénior para persoas de 55 anos ou máis

A Baña oferta oito prazas de voluntariado sénior para persoas de 55 anos ou máis
A Baña oferta oito prazas de voluntariado sénior para persoas de 55 anos ou máis

Participará nun proxecto de intercambio de coñecemento e experiencias con cativas e cativos dos campamentos

O Concello da Baña convoca oito prazas de voluntariado sénior para desenvolver un proxecto de intercambio de coñecemento e experiencias entre escolares e persoas de 55 ou máis anos. Estes voluntarios compartirán tempo coas cativas e cativos dos campamentos para aprenderlles xogos e explicarlles todo aquelo que facían cando eran mozos, nunha época na que non había ordenadores nin móbiles.

O proxecto de voluntariado sénior, subvencionado pola Consellería de Política Social, basease na idea de intercambio xeracional. As crianzas, pola súa parte, amosaranlle aos maiores como xogan e viven hoxe en día.

Os voluntarios serán persoas de 55 anos ou máis, dinámicas, con gañas de lembrar o seu pasado e compartir as súas vivencias. Nunha primeira parte do proxecto, farán un traballo de recompilación de memorias e cousas relativas á súa nenez e á súa mocidade para lembrar xogos, os lugares onde quedaban, as festas ás que ían, que traballos facían, como moceaban... Logo, nunha segunda parte, explicaránllo ás pequenas e pequenos.

A iniciativa estenderase ao longo de sesenta sesións, de tres horas de duración cada unha. O traballo da segunda fase desenvolverase en horarios escolares, incluíndo madrugadores e recreos, e festivos.

As persoas interesadas en formar parte do voluntariado sénior, poden inscribirse presencialmente na oficina de Cultura do Concello, chamando ao 981 886 501 ou escribindo á dirección monica.gonzalez@concellodabana.gal

Comentarios
Lo más