Padrón instala unha columna para reparación de bicicletas na área para caravanas

Padrón instala unha columna para reparación de bicicletas na área para caravanas
Padrón instala unha columna para reparación de bicicletas na área para caravanas

O Concello de Padrón vén de instalar unha columna multiservizo para a reparación gratuíta de bicicletas, que está dispoñible de forma totalmente gratuíta para a veciñanza na área de servizos para caravanas, emprazada na rúa Vila de Rianxo, detrás do campo de fútbol do Souto. Este poste reparador de bicicletas dispón dun inflador de rodas e ferramentas para facer pequenas reparacións nos vehículos, o que de seguro axudará ás persoas usuarias deste medio de transporte.



A concelleira de Deportes, Lorena Couso, explica que a posta en marcha deste servizo responde “ao compromiso do Concello de Padrón pola mobilidade sostible, coa finalidade de fomentar o uso da bicicleta entre os nosos veciños e veciñas xa que estamos convencidos de que iso redunda en beneficios tanto para a propia cidadanía como para o municipio, xa que combina hábitos de vida saudables co respecto ao medioambiente”.


Características


O poste de reparación de bicicletas instalado en Padrón dispón dun soporte para bicicletas, o que facilita os traballos que se realicen no vehículo. Para iso, dispón dun xogo de oito ferramentas diferentes (desparafusadores, chaves Allen, pancas para os pneumáticos...) coas que a persoa usuaria pode acometer calquera actuación de reparación na bicicleta. Así mesmo, conta cunha bomba para o inchado das rodas, cun manómetro para controlar o inchado e unha mangueira axeitada para case todos os tipos de válvulas de bicicleta.


A maiores, dispón dunha estación de lavado para eliminar o lixo da bicicleta cunha bomba e unha mangueira pulverizadora de alta calidade. A persoa usuaria pode configurar o tempo de pulverización dun xeito doado.   

Comentarios
Lo más